Nang masubukan ko ang tumakbo dun ko nalaman na sobrang hirap pala nya! lalong lalo na pag nag-uumpisa ka pa lang nito. Ang hirap huminga!(hinahabol ko ang paghinga ko), masakit sa paa, binti, legs at maging sa singit, nakakaitim pa ng balat! hehehe kasi babad sa init ng araw, super daming pawis! at higit sa lahat sobrang nakakapagod!
Pero alam mo kahit ganun... sobrang nagustuhan ko sya... ang sarap ng feeling na after mong maramdaman na para ka ng susuko, at sinasabi ng sarili ko na Stop na! Pero alam mo yung tiniis ko yun lahat, at nang makita ko na yung Finish Line,,, super saya! parang naiiyak na ko. Kaya ko din pala! huhuhu.
Well, para sa akin (na isang lakwatcherong kaibigan) hindi ko masyadong sineseryoso ang pagtakbo, sapat na sa akin na makaabot sa Finish Line at maka-abot sa sinasabi nilang cut-off time, sa ganung paraan masaya na ako nun. Na-realize ko kasi sa mga sunod-sunod kong pagsali sa mga takbuhan na hindi talaga ako pangkarera mabagal talaga ako, pero masaya akong sabihin na kayang tiisin ng aking mga paa ang mga malalayong distansya. And for me pinaka goal ko sa pagtakbo ay hindi lang ang makaabot sa Finish Line kundi ang ma-enjoy ang mga magagandang view na aking nadadaanan habang tumatakbo.
Narito ang mga running event na aking nasalihan sa taong 2012
5K Run sa Silakbo 2012 for the Santa Rosa Watershed
-ito ang 1st Fun Run ko 5K, dito ko na realize na masaya pa lang tumakbo and gusto ko pa lalong sumali sa mga takbuhan.
21K Run sa Clean Air Run 2012
-ang aking 1st Half Marathon... dahil mas gusto kong ma-challenge sinubukan ko ang 21K Run. Sobrang naging mahirap sa akin ang takbong ito sapagkat dun ko na realize na hindi pala dapat ako kakain ng breakfast kapag may takbo ako kasi sumasakit ang tagiliran ng tiyan ko na naging sanhi ng muntik ko ng di matapos ang takbo ko. Pero ayun kinaya ko sya! after ng takbong ito, 5days akong hindi makalakad ng maayos dahil na-nanakit ang singit, binti at paa ko.
25K Run sa 2nd Valley Trail Challenge
-tulad ng Clean Air Run... isang mahirap na takbo din ang naranasan ko dito, 1st Trail Run ko kasi ito madalas ang takbo dito ay sa mga lupa at kadalasan maputik pa. Na-enjoy ko sya lalo na nung umabot ako sa sinasabi nilang "little New Zealand" para ka talagang nasa New Zealand sa loob ng Nuvali.
21K Run sa 1st Busaingan Adventure Run
- Dahil isa rin akong lakwatcherong kaibigan, sumali ako sa patakbo ng bayan ng Sta.Magdalena, Sorsogon kahit alam kong malayo ito sapagkat gusto ko din makapasyal sa malalayong lugar tulad nito. Masasabi kong ito ang pinaka mahirap na aking natakbuhan, siguro dahil sa mga ginawa namin dito tulad ng pagdaan sa ilog, bukid, beach at maging ang pag-akyat sa pinaka-mataas ni lang bundok ang Mt. Maraot Banwa. Astig talaga nito! At sobrang maalaga ng mga taong bumubuo ng patakbong ito.
7K Run sa Laguna Technopark Fun Run
-dahil dito ako nagwowork... napili ako ng company ko na sumali dito bilang representative. Okay naman nag-enjoy ako with support ng mga co-workers ko.
15K Run sa Ala eh! Takbo Competition sa Paliparan
-ang aking takbo sa Paliparan ng Lipa, Batangas. Okay sya! masaya at nakatakbo ako dito nakakita pa tuloy ako ng mga sasakyang panghimpapawid at nakita ko pa si Gov. Vilma Santos
16K Run sa Makiling Challenge 11
-ang aking takbo sa UP Los Baños. Masaya din ang takbo ko dito at may mga part na pa-ascending ang takbo namin.
42K Run sa Mt.Patag Eco Adventure Endurance Trail Challenge 2012
-dahil sa mas gusto ko pang i-challenge ang sarili ko, nagdecide akong sumali sa patakbo ng Silay City, Negros Occidental. Sobrang pinag-ipunan ko sya at pinaghandaan at dahil na rin sa tulong ng katrabaho ko na si Ma'am Mishiell ay natuloy ako dito. Ito ang aking 1st Full Marathon. tulad ng iba kong mga takbo ay nahirapan din ako dito dahil sa layo nito ay agad akong nanghina at muntik ng di matapos ang aking takbo dahil sa sobrang gutom. kaya naman huminto ako sandali sa tindahan para bumili at kumain ng light food para makabawi ng lakas after nito ay muli kong narealize na hindi pa tapos ang laban ko at hindi ako susuko! mga 7hrs ng aking takbo at lakad ay nakaabot din ako sa Finish Line! ayun oh! super saya^_^
Sobrang naging masaya ang aking 2012 lalo na nung pumasok ako sa mundo ng Pagtakbo! at hanggang ngayon naeexcite ako sa kung anu pang mga takbo ang aking sasalihan sa year2013.
